Fogar do Santiso de restaurante familiar a modelo de restaurante sustentable
Para chegar ó modelo de restaurante sustentable 360º que hoxe en día é Fogar do Santiso, hai que remontarse a maio de 1996. Ese ano o Fogar do Santiso abriu as súas portas como restaurante familiar, como un proxecto no que a restauración fose o medio a través do cal, se buscaba poñer en valor a cultura local, o mundo rural e as tradicións galegas.
Utilizando a gastronomía e as tradicións ancestrais, o Fogar logrou conectar cos sentimentos da xente e activar a conciencia colectiva, alcanzando un éxito rotundo tanto en visitas como no seu modelo de negocio.
Co paso dos anos, Fogar
do Santiso consolidouse como un referente cultural e gastronómico en Galicia.
Fogar do Santiso 2007: modelo de restaurante sustentable
En 2007, o proxecto deu un xiro cara á sustentabilidade real, creando un modelo de restaurante 360º que asegurase o seu propio futuro a longo prazo. Foi nese momento cando naceu un novo modelo de restauración 360º, que poñía o foco na dignificación do medio rural e das persoas que o habitan.
Creouse un ecosistema propio de autoabastecemento, baseado na agroecoloxía e coa produción ecolóxica como eixo central, promovendo a creación dunha rede de produción vinculada á orixe, ó local e ó produto km 0 de tempada.
Esta reconsideración levou á visión dun Fogar cunha proxección de 100 anos, onde a sustentabilidade, a difusión da cultura galega, a potenciación do consumo local e responsable, a defensa do medio ambiente e a recuperación das tradicións agrícolas convertéronse nos piares fundamentais para construír un futuro máis sustentable para a nosa terra.
Deste xeito, Fogar do Santiso desenvolveu un modelo empresarial baseado na bioeconomía, un exemplo real de economía circular que busca xerar un impacto social e ecolóxico positivo. O obxectivo sempre foi pechar o círculo de forma integral: producir, transformar, alimentar e reciclar, logrando unha pegada ecolóxica mínima e un residuo case nulo.
O noso enfoque non só mellora o benestar do planeta, senón tamén o das persoas que o habitamos. Este compromiso coa sustentabilidade e a economía circular segue sendo o núcleo da nosa filosofía: un modelo de restauración que non só alimenta, senón que tamén respecta e protexe a nosa contorna e as tradicións que nos definen.