O proxecto Fogar do Santiso foi recoñecido como gañador na categoría de “sector agro-gandeiro” nos XVI Premios ao Desenvolvemento Rural AGADER como modelo de desenvolvemento rural que integra innovación, cultura e sustentabilidade en restauración e agroalimentación.
Os XVI Premios AGADER reuniron nesta edición máis de corenta candidaturas procedentes de toda Galicia, unha mostra da vitalidade e diversidade de iniciativas que están a impulsar o desenvolvemento do noso rural. A entrega de premios celebrouse no Hotel San Francisco, en Santiago de Compostela, o pasado 28 de novembro de 2025.
O recoñecemento da AGADER, non só premia a calidade e coherencia do proxecto, senón que tamén reforza a súa capacidade para inspirar outras iniciativas que aspiren a un rural máis sostible, moderno e competitivo. Desde a organización dos premios destácase que proxectos como este son “unha mostra viva” do talento, da visión e da forza da xente que está a transformar o presente e a construír o futuro do rural galego.
O segundo premio foi para Traloagro, produtores ecolóxicos certificados de produtos cárnicos en Friol e vellos coñecidos nosos ós que felicitamos
Primeiro premio Sector Agro-Gandeiro
Premio ó proxecto Fogar do Santiso
Fogar do Santiso comezou como proxecto familiar en 1996 en Teo. Ó longo dos anos evolucionamos ata converternos nun modelo de desenvolvemento rural que integra agricultura, gandaría, restauración e produción agroalimentaria con criterios de sustentabilidade e calidade.
Producimos
Alimentamos
A trazabilidade dos nosos produtos ecolóxicos e o noso modelo “da granxa á mesa” foron feitos destacados neste premio como compromiso co medio ambiente e coa comunidade local.
Premio para o rural galego
Este premio é un recoñecemento é unha mostra de apoio a propostas que optan pola innovación, e comprométense coa sustentabilidade e co arraigo no territorio.
Premiar proxectos como Fogar do Santiso, Traloagro e o resto de participantes nas diversas categorías, é un indicativo de que a AGADER aposta polo talento que se concentra no rural galego.
Apostar polo rural está no ADN do Fogar do Santiso e desde este artigo queremos mostrar a nosa gratitude por este premio outorgado pola AGADER. Tamén queremos amosar o noso meirande apoio a todas aquelas iniciativas que participaron nesta edición, e que combinan a transformación do rural a través da I+D+i co respecto pola contorna e cunha visión de futuro a longo prazo para a nosa terra.
Referencias: